大音希聲

白居易。琵琶行：

間關鶯語花底滑，幽咽泉流冰下難。

冰泉冷澀弦凝絕，凝絕不通聲暫歇。

別有幽愁暗恨生，此時無聲勝有聲。

銀瓶乍破水漿迸，鐵騎突出刀槍鳴。

曲終收撥當心畫，四弦一聲如裂帛。

東船西舫悄無言，唯見江心秋月白。

眞。無聲勝有聲嘅実景演繹。

為一封外賣利是

今日點外賣餐係一桶炸醬麵。

味道麻麻啲。

店家附賜名片云：30字好評，曬3張照片加WeChat好友即刻領取5蚊紅色「利是🧧」。

按其要求照辦，加上微信好友，凑得30字評價，sent 3張求其照片畀老闆，果然收到呢封利是。

係唔係堕落到追逐蠅頭小利而出賣咗靈魂？

子曰：君子固窮，小人窮，斯濫矣！

有啲無所不用其極，但冇人隨便畀封5蚊利是。

勿以惡小而為之，並未昧良心，亦無違心。

我們日用的飲食，今日賜給我們。免我們的債，如同我們免了人的債。

So, let it go.

大賢評中國人性

陳寅恪： 中國之人，下愚而上詐。

嚴復：風華之弊，八字盡之：始於作偽，終於無恥。

雀巢咖啡

年届不惑，一樽雀巢咖啡落肚便心慌慌，頭暈陣陣。

不如下次飲可口可楽。口感好，同樣提神。

下次睇吓可否抵擋得住可口可楽紅標誘惑。

對於Coke，有偏見云：男士殺精，蝕鈣。無稽之談，Fuck off.

何况對於男女之事，淡之又淡。

乘巴士去啟東，已行至崇明島上。

寫作之路

以前文化人，身無退路，賣文為生。

張愛玲，劉以鬯，金庸，倪匡，他們對周遭社會，人性的深刻觀察和感悟，天馬行空，文思泉湧，下筆行雲流水。

而我如今長期穴居室內，蜇伏於臥榻，無病呻吟。

並無張愛玲顯赫身世，亦無曹雪芹之劇烈家変，亦無蔡瀾先生文化世家，亦無倪匡先生逃出生天的曲折離奇經歷。原本一點點文化積墊，未與時俱進，日漸生疏，以致於如今文思枯竭，偶爾評論下時事出口都係子曰，詩云，拾人牙慧。如今當然寫不出什麼萬卷雄文。既使下筆，都係有違國安言論，索性放棄。

沒有新朋友，幾乎脫離了社會。見得最多啲人係外賣仔。基本上都戴頭盔口罩，有高有矮，有肥有瘦，有戴眼鏡嘅斯文人，有不修邊幅的邋遢仔。不過基本上都黑孖孖。風吹雨打日曬雨淋，賺得都係辛苦錢。

可能未逼到盡，我都唸過如果未來失業，送外賣或揸出租都係唔錯嘅選擇。目前踏唔出呢一步，仲以為響office度做嘢穩陣啲。零丁的文化水平卻有著知識份子無限的高傲。欠缺國安法，社會主義鐵挙的強力暴擊。

可能自已不服氣，也許注定吃不上到出賣文筆這餐飯。

「衛斯理」倪匡談上面「大陸」翻版

2006香港書展，蔡瀾主持

倪匡同衛斯理唔可以晝等號嘅。

周潤發可能係理想嘅衛斯理形象。

大陸沒有翻版，我一早就發達了。

他叫共產黨嘛，就係共你的產。

中都波仔云：共產主義，第一任務，消滅私有制，完全違反人性。提出呢嗰主張，宣傳呢種思想，相信呢嗰理念，以及実踐呢嗰理想嘅人，唔值得我尊重，統統冚家富貴！

好久沒有來過WordPress

2011年用Windows Live Space

2012年後轉入WordPress

沒有永恆的Net Blog

希望WP亦都能撐下去。

謝謝。